Mannskæð sprenging í bólivískri herstöð

Öflug sprenging varð í herstöð í Bólivíu með þeim afleiðingum að fjöldi fólks beið bana og á sjötta tug særðust. Talið er að sprengingin hafi orðið þar sem eldflaugabúnaður var geymdur en rannsókn á tildrögum er hafin. Björgunarsveitir leita nú í rústum húsa í grennd við herstöðina en eyðileggingin er mikil á svæðinu. Varnarmálaráðherra landsins hefur heimsótt vettvang og heitið fórnarlömbum aðstoð.