Ekkert óeðlilegt að ríkið sé hluti af samtalinu
Ragnar Þór Ingólfsson félags- og húsnæðismálaráðherra segir eðlilegt að ríkið komi að kjarasamningsviðræðum þegar mikið er í húfi fyrir almenning.
Ragnar Þór Ingólfsson, félags- og húsnæðismálaráðherra, segir ráðuneytið hafa verið í virku samtali við aðila vinnumarkaðarins frá því í vor vegna kjarasamninga sem nú eru í uppnámi. Forsendubreyslur urðu þegar verðbólga mældist yfir viðmiðum, og eru ýmsar mótvægisaðgerðir nú til skoðunar hjá stjórnvöldum, sérstaklega er varðar húsnæðis- og leigumarkaðinn. Ragnar, sem er fyrrverandi formaður VR, segir eðlilegt að ríkið komi að samtalinu þegar velferð fólks er í húfi, þótt hann taki undir að ríkið eigi ekki beinlínis að niðurgreiða samninga. Hann leggur áherslu á að boðuð hallalaus fjárlög verði virt þrátt fyrir hugsanlega aðkomu stjórnvalda.
