Eftirför í Reykjavík: Flúði lögreglu á Hopp-bíl og olli skemmdum

Lögregla veitti ökumanni á Hopp-deilibíl eftirför frá Lágmúla að Víðidal í Reykjavík í dag. Ökumaðurinn, sem er grunaður um að hafa verið í annarlegu ástandi, ók á allt að 140 kílómetra hraða og skemmdi að minnsta kosti fjóra bíla á leiðinni, þar af tvo lögreglubíla. Eftirförinni lauk þegar maðurinn keyrði yfir umferðareyju í Víðidalnum og nam þar staðar. Ökumaðurinn var handtekinn og vistaður í fangageymslu en talið er að aksturslagið hafi verið afar háskalegt.