Chris Hansen ósáttur við væntanlega kvikmynd

Bandaríski sjónvarpsmaðurinn Chris Hansen, sem þekktastur er fyrir þætti sína um kynferðisbrot gegn börnum, lýsir yfir óánægju með væntanlega kvikmynd um líf sitt. Hann segir myndina, sem ber titilinn Primetime, sýna sig í röngu ljósi og leikarinn fari með hlutverk sem samsvari ekki hans raunverulega persónuleika. „Ég er góður gaur,“ segir Hansen í samtali við Entertainment Tonight.