Eldur í fjölbýlishúsi reyndist íbúi að grilla

Slökkvilið höfuðborgarsvæðisins hafði í ýmsu að snúast í gærkvöldi samkvæmt dagbók lögreglunnar. Meðal annars var tilkynnt um eld í fjölbýlishúsi í Kópavogi, en þegar viðbragðsaðilar mættu á vettvang kom í ljós að íbúi var einfaldlega að grilla á svölunum. Þá þurfti slökkviliðið einnig að reykræsta hótel í Hlíðunum eftir að mikill reykur barst frá bakaraofni. Að auki er til rannsóknar innbrot á veitingastað í vesturbænum og nokkur umferðarlagabrot voru afgreidd, en engin slys urðu á fólki.