Lykilmaður Svíþjóðardemókrata í leyfi því sambýliskona hans er sökuð um dreifingu rússnesks áróðurs

Gustav Gellerbrant, einn áhrifamesti starfsmaður Svíþjóðardemókrata, hefur farið í leyfi frá störfum eftir að upplýst var um tengsl sambýliskonu hans við rússneskan áróður. Sambýliskona hans, Polina Malaberg, er sökuð um að hafa í rúman áratug deilt efni sem styður málstað Rússa, meðal annars varðandi innlimun Krímskaga. Gellerbrant neitar sök en segist stíga til hliðar á meðan málið er rannsakað. Atvikið kemur á óheppilegum tíma fyrir flokkinn en þingkosningar fara fram í Svíþjóð næsta sunnudag.