Andri Nikolaysson stefnir á Ólympíuleikana eftir góðan árangur

Skylmingamaðurinn Andri Nikolaysson Mateev hafnaði í öðru sæti á alþjóðlega mótinu Viking Cup sem fram fór í Reykjavík um helgina. Andri, sem búsettur er í Róm, mætti Inkosi Brou frá Nígeríu í úrslitum en varð að láta í minni pokann að þessu sinni. Þrátt fyrir tapið er Andri bjartsýnn á framhaldið og stefnir ótrauður á Ólympíuleikana í Los Angeles árið 2028. Willum Þór Þórsson, forseti ÍSÍ, lýsti yfir mikilli ánægju með frammistöðu Andra og sagði hann eiga raunhæfa möguleika á að komast á leikana ef rétt er að málum staðið.