Farþegum Icelandair fækkaði en komufarþegum fjölgaði

Farþegum Icelandair fækkaði um 5% í ágústmánuði miðað við sama tíma í fyrra, en alls flugu 577 þúsund manns með félaginu. Þrátt fyrir heildarfækkun fjölgaði farþegum sem áttu erindi til Íslands um 12%, sem er í samræmi við nýja stefnu félagsins um að einblína meira á heimamarkaðinn frekar en tengiflug yfir hafið. Tengifarþegum fækkaði hins vegar um 27% á tímabilinu.