Andri Nikolaysson náði silfri á Viking Cup í skylmingum

Andri Nikolaysson Mateev, fremsti skylmingamaður Íslands, hafnaði í öðru sæti á sterku alþjóðlegu heimsbikarmóti, Viking Cup, sem fram fór í Reykjavík um helgina. Andri komst alla leið í úrslit þar sem hann tapaði fyrir Inkosi Brou frá Nígeríu. Forseti ÍSÍ, Willum Þór Þórsson, lýsti yfir mikilli ánægju með frammistöðuna og sagði raunhæfa möguleika á að Andri tryggi sér sæti á Ólympíuleikunum í Los Angeles 2028.