Ellefu fjallgöngumenn fórust í snjóflóði í Rússlandi

Minnst ellefu manns létu lífið þegar mikið snjóflóð féll í fjallinu Mizhirgi í Rússlandi síðdegis í gær. Sex manns er enn saknað. Alls voru 33 fjallgöngumenn á svæðinu þegar flóðið féll, en sextán tókst að bjarga eða komast undan af sjálfsdáðum. Björgunarstarf er afar krefjandi vegna landslags og hættu á frekari flóðum í fjallinu, sem er eitt hæsta fjall landsmanna. Yfirvöld hafa hafið rannsókn á því hvort vanræksla hafi átt þátt í slysinu.