Auðmannadeilur fyrir dóm: Segja Heiðar hafa villt sér sýn

Snemma á miðvikudagsmorgun greindi Morgunblaðið frá því að Gavia Invest, félag Reynis Grétarssonar, hefði stefnt Heiðari Guðjónssyni, fyrrverandi forstjóra og stjórnarformanni Sýnar. Deilan snýst um sölu Heiðars á 12% hlut í Sýn árið 2022 fyrir 2,2 milljarða króna. Kaupendur telja að Heiðar hafi leynt upplýsingum um hríðfallandi tekjur af viðskiptum við Controlant, sem hafi leitt til of hás söluverðs. Heiðar vísar öllum ásökunum á bug og kallar þetta rógsherferð tengda stjórnarsetu hans í Íslandsbanka. Stjórn Sýnar hefur einnig vísað máli Heiðars til Fjármálaeftirlitsins vegna gruns um innherjasvik.