Dósent í hagfræði telur fjárlög ekki verðbólguhvetjandi

Katrín Ólafsdóttir, dósent í hagfræði við Háskólann í Reykjavík, telur að nýframlagt fjárlagafrumvarp muni ekki auka á verðbólgu í landinu. Hún bendir á að fjárlögin séu fremur hlutlaus gagnvart hagkerfinu, þótt hækkanir á krónutölugjöldum hafi komið nokkuð á óvart. Fjármálaráðherra kynnti frumvarpið í dag, en þetta er í fyrsta skipti í mörg ár sem gert er ráð fyrir afgangi hjá ríkinu. Stjórnarandstaðan og aðilar vinnumarkaðarins hafa hins vegar lýst yfir áhyggjum af áhrifum frumvarpsins á verðbólgumarkmið.