Ferðakostnaður íþróttaiðkenda á landsbyggðinni íþyngjandi

Þótt æfingagjöld í körfuknattleik og handknattleik séu lægri á Akureyri en á höfuðborgarsvæðinu, hverfur sá munur fljótt þegar horft er til ferðakostnaðar. Samkvæmt úttekt ASÍ geta foreldrar barna á landsbyggðinni þurft að greiða yfir 100 þúsund krónur á ári í ferðakostnað vegna keppnisferða, sem er oft hærri upphæð en sjálf æfingagjöldin. Þrátt fyrir frístundastyrki sveitarfélaga er heildarkostnaðurinn oft mun meiri hjá fjölskyldum utan höfuðborgarsvæðisins.