Barnaheill byggðu leik- og grunnskóla í Síerra Leóne

Samtökin Barnaheill hafa lokið byggingu nýs leik- og grunnskóla í þorpinu Macca í Síerra Leóne. Skólinn var vígður í dag og hefst formlegt skólastarf á morgun. Tótla I. Sæmundsdóttir, framkvæmdastjóri Barnaheilla, segir verkefnið hafa verið fjármagnað með styrkjum frá almenningi á Íslandi. Skólinn bætir úr brýnni þörf þar sem aðstaða til náms var áður af skornum skammti í héraðinu.