Viðbrögð við Truth Social færslu Trumps: „Ekki skynsamlegt að taka þetta bókstaflega“

Donald Trump Bandaríkjaforseti birti nýverið kort á samfélagsmiðli sínum Truth Social þar sem bandaríski fáninn þekur Bandaríkin, Mið-Ameríku, Kanada, Grænland og Ísland. Bergþór Ólason, þingmaður Miðflokksins, telur ekki ástæðu til að taka færsluna bókstaflega eða óttast hana, heldur beri að rækta samband við Bandaríkin. Sonja Þorbergsdóttir, formaður BSRB, segir myndina lýsa vanvirðingu en vonast til að hún taki ekki yfir dagskrána hér heima. Stefán Pálsson sagnfræðingur bendir á nýja þjóðaröryggisstefnu Bandaríkjanna þar sem Monroe-kenningunni er lýst, en hún áskilur Bandaríkjunum rétt til að hlutast til um mál ríkja á vesturhveli.