Talan komin í níu látna eftir sprengingu í bólivískri herstöð

Staðfest er að níu hermenn létust í tveimur öflugum sprengingum sem urðu í herstöð í borginni Viacha í Bólivíu síðastliðinn föstudag. Að sögn varnarmálaráðuneytisins eru hinir látnu einn liðsforingi og átta ungir hermenn. Enn er fimm hermanna saknað og stendur leit yfir í rústunum. Alls slösuðust 84 í sprengingunum og dvelja 31 enn á sjúkrahúsi. Talið er að sprengiefni sem geymt var í herstöðinni hafi valdið óhappinu, en málið er til rannsóknar.