„Stóra sárið í mannkyni er þetta kvennahatur“

Leikarinn og leikstjórinn Benedikt Erlingsson segir að kvenhatur sé „stóra sárið í mannkyni“ og að það eigi að vera forgangsverkefni karla að takast á við það. Í viðtali á Rás 1 ræddi hann endurkomu sýningar sinnar, Mr. Skallagrímsson, og lýsti yfir áhyggjum af stöðu íslenskrar kvikmyndagerðar, sem hann telur að hafi verið svelt af hálfu stjórnvalda. Hann benti á að aðgengi að íslenskum kvikmyndaarfi væri ábótavant og að margar perlur væru óaðgengilegar almenningi. Benedikt vinnur nú að handriti sem fjallar um kvennabyltinguna á Íslandi frá sjónarhóli framtíðarinnar.