Tveir nýliðar í æfingahóp landsliðsins fyrir EM

Arnar Pétursson, landsliðsþjálfari kvenna í handbolta, hefur valið 22 leikmenn í æfingahóp fyrir Evrópumótið sem fram fer í desember. Tveir nýliðar eru í hópnum: Embla Steindórsdóttir og Emelía Ósk Aðalsteinsdóttir. Framundan er æfingavika hér heima og tveir vináttuleikir gegn Póllandi í október. Ísland er í sterkum riðli á EM ásamt Ungverjalandi, Svartfjallalandi og Slóveníu, en mótið verður sýnt í beinni útsendingu á RÚV.