Thelma Björg hársbreidd frá úrslitum á EM

Thelma Björg Björnsdóttir hafnaði í 9. sæti í 100 metra skriðsundi á Evrópumóti fatlaðra í sundi í Tyrklandi í morgun. Hún var aðeins hársbreidd frá því að komast í úrslit, en hún synti á tímanum 1:32,42. Thelma er fyrsti varamaður inn í úrslitin í kvöld. Fleiri íslenskir keppendur, þau Sonja Sigurðardóttir og Róbert Ísak Jónsson, hefja leik á mótinu á morgun.