Aðalmeðferð í Höfðatorgsmáli hafin

Aðalmeðferð hófst í dag í Héraðsdómi Reykjavíkur yfir þremur mönnum sem ákærðir eru fyrir tilraun til manndráps í bílakjallara Höfðatorgs í mars. Málið hófst með vettvangsferð dómsins á staðinn. Mennirnir eru sakaðir um að hafa ekið á brotaþola, barið hann og stungið, sem leiddi til lífshættulegra áverka. Einn sakborninga sótti þinghaldið í gegnum fjarfundarbúnað erlendis frá.