Óttast alvarlegar afleiðingar fjöldauppsagna hjá Reykjavíkurborg

Formannaráð BSRB lýsir yfir þungum áhyggjum af nýlegum fjöldauppsögnum hjá Reykjavíkurborg. Í ályktun ráðsins segir að þessar aðgerðir muni óhjákvæmilega leiða til aukins álags á aðra opinbera þjónustu, aukins atvinnuleysis og vaxandi ójöfnuðar í samfélaginu. Mótmælir ráðið uppsögnunum harðlega og bendir á að engar greiningar hafi verið lagðar fram sem réttlæti svo víðtæka þjónustuskerðingu.