Menningarráðherra svarar gagnrýni vegna niðurskurðar í Bókasafnssjóð

Mikil óánægja ríkir meðal barnabókahöfunda eftir að Bókasafnssjóður var skorinn niður um tugi milljóna króna. Lilja Alfreðsdóttir, menningar- og viðskiptaráðherra, segir hins vegar að aukið fjármagn sé væntanlegt til bókmenntamála og hvetur fólk til að spyrja að leikslokum. Höfundar óttast að niðurskurðurinn hafi veruleg áhrif á starfskjör þeirra og nýsköpun í íslenskum bókmenntum.