Vonast til að nýjar aðgerðir bæti námsárangur á næsta ári

Mennta- og barnamálaráðherra, Inga Sæland, boðaði í dag margvíslegar aðgerðir til að bregðast við slökum árangri íslenskra nemenda í PISA-könnuninni. Meðal þess sem til stendur er endurskoðun námskrár, aukin áhersla á grunnfærni í kjarnagreinum og 455 milljóna króna fjárfesting í námsgögnum. Inga líkti stöðunni við „rauða spjaldið“ í menntamálum en frammistaðan hefur aldrei mælst lakari. Markmiðið er að sjá breytingar strax í næsta matsferli árið 2027, en meðal annarra aðgerða er boðaður „símafriður“ í skólum til að draga úr áreiti í umhverfi barna.