Ísland meðal tólf þjóða sem fordæma landtökubyggðir Ísraels

Þorgerður Katrín Gunnarsdóttir utanríkisráðherra hefur skrifað undir samyfirlýsingu tólf utanríkisráðherra þar sem lýst er þungum áhyggjum af ólöglegum landtökubyggðum Ísraela í Palestínu. Í yfirlýsingunni segir að aðgerðir Ísraelsstjórnar á Vesturbakkanum grafi undan möguleikanum á tveggja ríkja lausn. Þjóðirnar tólf heita því að grípa til aðgerða, svo sem viðskiptaþvingana, til að stuðla að réttlátum og varanlegum friði á svæðinu þar sem ofbeldi landnema fer vaxandi.