„Við munum grípa til aðgerða í þágu réttláts og varanlegs friðar“

Íslensk stjórnvöld hafa ásamt hópi annarra ríkja gefið út harðorða yfirlýsingu vegna aukins ofbeldis og stækkunar landnemabyggða Ísraela á Vesturbakkanum. Þorgerður Katrín Gunnarsdóttir utanríkisráðherra segir stöðuna versna hratt og að alþjóðasamfélagið verði að bregðast við til að verja möguleikann á tveggja ríkja lausn. Í yfirlýsingunni er lögð áhersla á nauðsyn þess að grípa til raunhæfra aðgerða sem tryggja réttindi og frið fyrir íbúa svæðisins til frambúðar.