„Ekkert fyndið eða eðlilegt að gera grín að fullveldi ríkja“

Forsvarsmenn ríkisstjórnarinnar segja afbakað landakort Donalds Trumps Bandaríkjaforseta vera „lélegt grín sem þó ber að taka alvarlega“. Þorgerður Katrín Gunnarsdóttir utanríkisráðherra kallaði sendiherra Bandaríkjanna á sinn fund vegna myndar sem Trump birti á Truth Social, þar sem Ísland, Grænland og Kanada voru þakin bandarísku fánalitunum. Ráðherra lagði áherslu á að Ísland væri fullvalda ríki. Kristrún Frostadóttir forsætisráðherra kallaði birtinguna móðgun og sagði ekkert fyndið við að gera grín að fullveldi ríkja. Mette Frederiksen, forsætisráðherra Danmerkur, tók í sama streng og áréttaði að Grænland væri ekki til sölu.