Frekari tafir á flugumferð á morgun

Gera má ráð fyrir áframhaldandi töfum á flugi um Bretland og Írland á morgun eftir að umfangsmikil tæknibilun kom upp í flugumsjónarkerfinu NATS í dag. Kerfisbilunin olli miklu róti í flugsamgöngum, hundruðum flugferða var aflýst og tugþúsundir farþega urðu fyrir barðinu á röskunum. Forstjóri NATS hefur beðist afsökunar á ástandinu og boðað ítarlega rannsókn á tildrögum bilunarinnar. Röskunin hafði einnig áhrif á flugáætlanir Icelandair til og frá Lundúnum.