Þessi 13 tala í kvöld

Stefnuræða forsætisráðherra og umræður um hana fara fram á Alþingi í kvöld. Kristrún Frostadóttir mun kynna helstu stefnumál ríkisstjórnarinnar og leggja fram þingmálaskrána. Tólf aðrir þingmenn, einn úr hverjum flokki auk eins utanflokksþingmanns, munu flytja ræður og verða ræðumenn því samtals þrettán. Forsætisráðherra fær tólf mínútur en aðrir þingmenn fimm til sex mínútur. Umræðurnar hefjast klukkan 19:40 og verða sendar út í beinni í Ríkisútvarpinu, en Magnús Geir Eyjólfsson og sérfræðingar munu rýna í efni þeirra að þeim loknum.