Stuðningsmenn Arsenal beðnir um að klæðast ekki litum félagsins á Ítalíu

Knattspyrnufélagið Arsenal hefur sent frá sér viðvörun til stuðningsmanna sinna fyrir Meistaradeildarleikinn gegn Napólí á Ítalíu í kvöld. Stuðningsmenn eru hvattir til að klæðast ekki einkennislitum eða merkjum félagsins í borginni til að forðast átök. Ástæðan er vaxandi hörka meðal stuðningsmannahópa á Ítalíu, en dæmi eru um að ráðist hafi verið á erlenda stuðningsmenn með vopnum fyrr á árinu. Öryggisgæsla verður hert til muna í aðdraganda leiksins.