Róbert og Sonja synda í úrslitum

Róbert Ísak Jónsson og Sonja Sigurðardóttir tryggðu sér sæti í úrslitum á Evrópumóti fatlaðra í sundi í morgun. Sonja synti 100 metra skriðsund á tímanum 2:41,85 og varð sjötta í sínum riðli, sem dugði henni í úrslitin. Róbert Ísak synti 100 metra bringusund á 1:09,47 og hafnaði í fimmta til sjötta sæti. Úrslitahluti Sonju hefst um tvöleytið í dag en Róbert syndir til úrslita klukkan 16:20.