Eldri borgarar telja loforð svikin

Forystumenn eldri borgara segja þolinmæðina á þrotum. Í nýrri ályktun kemur fram að loforð sem gefin voru í aðdraganda síðustu kosninga hafi að mestu verið svikin. Þeir benda á að verðbólga hafi étið upp þær hækkanir sem hafi verið gerðar og að staða margra í hópnum sé verri en áður. Skorað er á stjórnvöld að grípa til tafarlausra aðgerða til að tryggja að allir geti lifað af lífeyri sínum með reisn.