„Ég vil kalla þetta landsbyggðarskatt“

Sveitarstjórnarfólk á Norðurlandi eystra segir landsbyggðarskatt felast í nýkynntum fjárlögum, til dæmis með kílómetragjaldinu og hækkun virðisaukaskatts á baðlón. Samtök sveitarfélaga á Norðurlandi eystra samþykktu ályktun gegn aukinni gjaldtöku á baðlón á haustþingi í dag sem fram fór á Dalvík. Heimir Örn Árnason, formaður stjórnar SSNE, segir kílómetraskattinn og breytingar á baðlónum leka af landsbyggðarskatti þar sem flest baðlón eru utan höfuðborgarsvæðisins. Logi Már Einarsson, ráðherra og þingmaður kjördæmisins, er ekki sammála þessari túlkun og segir raunverulegan landsbyggðarskatt fremur felast í skorti á innviðauppbyggingu undanfarin ár.