Sendi Farage, Le Pen og AfD skýr skilaboð úr ræðustól Alþingis

Þorgerður Katrín Gunnarsdóttir utanríkisráðherra lét hörð orð falla í garð erlendra stjórnmálamanna í ræðu sinni á Alþingi í kvöld. Hún beindi spjótum sínum sérstaklega að þeim sem fögnuðu niðurstöðu þjóðaratkvæðagreiðslunnar um aðildarviðræður við Evrópusambandið.

Utanríkisráðherra nefndi Nigel Farage, Marine Le Pen, Matteo Salvini og fulltrúa AfD í Þýskalandi og sagði þá ekki fá að skilgreina fyrir hvað íslenska þjóðin stæði. Hún lagði áherslu á að Ísland yrði áfram frjálslynt og umbótasinnað Evrópuríki þrátt fyrir niðurstöðuna og að utanríkisstefna og gildi þjóðarinnar stæðu óraskað.