Seldu Ljóma smjörlíki og Ömmu flatkökur og ætla í golf

Stofnandi Kjarnavara, Guðjón Rúnarsson, er meðal tekjuhæstu skattgreiðenda landsins eftir sölu á fyrirtækinu til Ölgerðarinnar á síðasta ári. Kjarnavörur, sem þekktar eru fyrir vörumerki eins og Ljóma smjörlíki og Ömmu flatkökur, voru stór hluti af íslenskum matvælamarkaði. Guðjón segir í samtali við Heimildina að tekjurnar séu tilkomnar vegna sölunnar og að hann hlakki nú til að helga sig golfinu.