Daði Már kynnir fjárlagafrumvarpið á Alþingi

Alþingi ræðir í dag fjárlagafrumvarp ríkisstjórnarinnar fyrir árið 2027. Daði Már Kristófersson, fjármála- og efnahagsráðherra, kynnir frumvarpið og mælir fyrir því á þingfundi. Helsta nýmælið er að gert er ráð fyrir rekstrarafgangi hjá ríkinu í fyrsta skipti síðan 2018. Stjórnarliðar fagna þessum tímamótum en fulltrúar stjórnarandstöðunnar hafa þegar gagnrýnt fyrirhugaðar hækkanir á gjöldum og sköttum sem fylgja frumvarpinu. Umræðurnar munu halda áfram á morgun.