Reiknað með að lokið verði við niðurrif í Grindavík á næsta ári

Vinna við niðurrif skemmdra húsa í Grindavík miðar vel áfram. Samkvæmt upplýsingum frá eigna- og veitustjóra Grindavíkurbæjar er búið að rífa 26 hús, þrjú eru í niðurrifi núna og sjö til viðbótar í undirbúningi. Þótt búast megi við einhverjum töfum vegna vetrarveðurs er gert ráð fyrir að öllu niðurrifi verði lokið um mitt næsta ár. Þetta er stór liður í því að tryggja öryggi og skipulag í bænum eftir náttúruhamfarirnar.