Seðlabanki Slóvakíu krefst gjaldþrots líftryggingarfélagsins NOVIS

Seðlabanki Slóvakíu (NBS) hefur lagt fram kröfu um gjaldþrotaskipti á hendur líftryggingarfélaginu NOVIS. Þetta kemur fram á vef bankans. Málefni NOVIS hafa verið mikið í deiglunni á Íslandi þar sem um fimm þúsund Íslendingar voru með samninga hjá félaginu þegar það var svipt starfsleyfi á síðasta ári. NBS svipti félagið leyfi í júní 2023 og síðan þá hefur því verið óheimilt að gera nýja samninga. Stór hluti íslenskra viðskiptavina var í gegnum Tryggingar og ráðgjöf ehf., sem nýlega fékk 35 milljóna króna sekt frá Fjármálaeftirlitinu vegna rangra upplýsinga til viðskiptavina.