Getur gervigreind bjargað námsefnisgerð fyrir börn?

Í kjölfar slakrar útkomu íslenskra nemenda í nýjustu PISA-könnuninni hefur mennta- og barnamálaráðherra boðað ýmsar aðgerðir. Ein þeirra er nýting gervigreindar til að þýða erlent námsefni á íslensku. Ráðherra telur að með tækninni megi afkasta mun meiru fyrir sama fjármagn, en niðurstöður könnunarinnar sýndu að einungis 56% nemenda búa yfir fullnægjandi lesskilningi. Tillagan hefur vakið spurningar um gæði þýðinga og áhrif þeirra á málþroska og læsi barna til lengri tíma litið.