Reykkafarar sendir inn í brennandi íbúð í Hafnarfirði

Mikill viðbúnaður var hjá slökkviliði höfuðborgarsvæðisins þegar tilkynning barst um eld í fjölbýlishúsi við Vallarbraut í Hafnarfirði nú síðdegis. Svartur reykur sást úr fjarska og voru reykkafarar sendir inn til að ganga úr skugga um að enginn væri inni í íbúðinni. Sem betur fer reyndist hún tóm. Eldurinn var slökktur fljótt en tjón á íbúðinni er talið töluvert vegna reyks og hita.