VR gagnrýnir fjárlagafrumvarpið harðlega: „Köld kveðja til launafólks“

Stjórn verkalýðsfélagsins VR hefur sent frá sér harðorða yfirlýsingu þar sem fjárlagafrumvarp ríkisstjórnarinnar er gagnrýnt. Stjórnin telur frumvarpið vera „kalda kveðju“ til launafólks, enda feli það í sér gjaldskrárhækkanir sem ganga þvert á fyrri loforð um að styðja við verðbólgumarkmið og kaupmátt. Sérstaklega er bent á að stjórnvöld virðast hafa virt að vettugi skuldbindingar sínar um hóflegar hækkanir, auk þess sem VR furðar sig á því að aðgerðir vegna eldsneytisverðs hafi ekki verið framlengdar.