Rússar gripnir með leynilegar sæstrengjaklippur
Rússar voru gripnir við æfingar á sérstöku leynivopni sem hannað er til að klippa á sæstrengi kafbáta nærri Svalbarða.
Rússneski sjóherinn var nýverið staðinn að verki við æfingar með nýstárlegt leynivopn sem er sérhannað til að skemma eða skera á mikilvæga sæstrengi á hafsbotni. Aðgerðirnar fóru fram á hafsvæðinu í kringum Svalbarða fyrr á þessu ári.
Samkvæmt heimildum Reuters komust leyniþjónustur Noregs, Bretlands og Bandaríkjanna á snoðir um þessar tilraunir Rússa og tókst þeim að trufla æfingarnar áður en þeim var að fullu lokið. Vopnið, sem fest er framan á rússneska kafbáta, er hannað til að klippa á strengi þannig að litlar sem engar vísbendingar verði eftir um hver beri ábyrgð á skemmdarverkunum.
Tore Sandvik, varnarmálaráðherra Noregs, segir í samtali við Reuters að norsk stjórnvöld hafi sent Rússum skýr skilaboð um að allar tilraunir til að skaða mikilvæga innviði verði uppgötvaðar og að þeim muni fylgja alvarlegar afleiðingar. Málið þykir undirstrika aukin umsvif og ógnir Rússa gegn neðansjávarinnviðum NATO-ríkja á norðurslóðum.
