Vilja aðgerðaáætlun um að útrýma minki

Sex þingmenn úr Miðflokki, Sjálfstæðisflokki og Framsóknarflokki vilja að mótuð verði stefna og aðgerðaáætlun sem miði að því að útrýma minki úr íslenskri náttúru. Í þingsályktunartillögu sem lögð var fram á Alþingi kemur fram að minkaveiðar séu kostnaðarsamar fyrir ríki og sveitarfélög og að markvissar aðgerðir gætu skilað verulegum fjárhagslegum ávinningi til langs tíma. Karl Gauti Hjaltason er fyrsti flutningsmaður tillögunnar.