Bæjarstjórn Vestmannaeyja leggur áherslu á mikilvægi Herjólfs III sem varaskips

Málefni Vestmannaeyjaferjunnar Herjólfs voru til umræðu í bæjarstjórn Vestmannaeyja í vikunni. Sérstök áhersla var lögð á mikilvægi þess að halda Herjólfi III sem varaskipi fyrir nýju ferjuna Herjólf IV, þrátt fyrir áform um að selja eldra skipið. Bæjarstjórnin telur öryggi samgangna í húfi og að heimild til sölu skipsins ætti ekki að nýta að svo stöddu til að tryggja að ávallt sé hægt að sinna siglingum til Eyja.