Grindavík/Njarðvík og Þróttur leika til úrslita í bikarnum í dag
Grindavík/Njarðvík og Þróttur mætast í úrslitaleik Mjólkurbikars kvenna á Laugardalsvelli klukkan 16:00 í dag. Hvorugt liðið hefur unnið bikarinn áður, en Þróttur komst síðast í úrslit árið 2021.
Mikið er í húfi þegar Grindavík/Njarðvík og Þróttur mætast í úrslitaleik Mjólkurbikars kvenna í knattspyrnu í dag. Leikurinn fer fram á Laugardalsvelli og hefst klukkan 16:00, en bein útsending á RÚV byrjar klukkan 15:20. Þetta er í annað sinn sem Þróttur kemst í úrslit, en liðið tapaði fyrir Breiðabliki árið 2021. Sameiginlegt lið Grindavíkur og Njarðvíkur, sem stofnað var fyrir tveimur árum, er í sínum fyrsta úrslitaleik. Liðin spila bæði í Bestu deildinni þar sem Þróttur er í fimmta sæti, einu stigi ofar en Grindavík/Njarðvík. Grindavík/Njarðvík hefur þó haft betur í báðum innbyrðisviðureignum liðanna í sumar.
