Haustslátrun í fullum gangi á Selfossi

Haustslátrunin er hafin hjá Sláturfélagi Suðurlands á Selfossi og er búist við að um 100 þúsund fjár verði slátrað í ár. Benedikt Benediktsson, framleiðslustjóri hjá SS, segir að lömbin komi væn af fjalli og að mikil stemning sé í kringum verkefnið. Um 120 erlendir starfsmenn, flestir frá Póllandi, starfa í sláturhúsinu yfir vertíðina. Einnig eru uppi áform um byggingu nýs stórgripasláturhúss á svæðinu á næstu árum.