Jón Birgir Jónsson nýr forstjóri Kviku banka

Jón Birgir Jónsson hefur verið ráðinn í starf forstjóra Kviku banka hf. Hann hefur störf um næstu mánaðamót, þann 1. desember, og tekur þá við keflinu af Ármanni Þorvaldssyni. Jón Birgir hefur víðtæka reynslu af alþjóðlegum fjármálamörkuðum eftir að hafa starfað hjá fyrirtækjum á borð við J.P. Morgan í New York og London. Hann lauk námi í stærðfræði við Háskóla Íslands og framhaldsnámi í fjármálaverkfræði í New York. Sigurður Hannesson, stjórnarformaður Kviku, segir reynslu Jóns Birgis munu nýtast bankanum vel í áframhaldandi uppbyggingu.