Útkall vegna gruns um eld í Hafnarfirði reyndist tilefnislaust

Slökkvilið höfuðborgarsvæðisins brást við tilkynningu um eld og reyk í íbúðarhúsi í Hafnarfirði um klukkan fjögur í dag. Upphaflega voru dælubílar sendir frá fjórum stöðvum, en umfanginu var fljótlega breytt þegar ljóst var að ekki væri um mikinn eld að ræða. Að lokum kom í ljós að enginn eldur var í húsinu og var útkallið því dæmt tilefnislaust. Slökkvilið er nú farið af vettvangi.