Um þrjátíu fangar hafa þegar verið sendir úr landi

Þorbjörg Sigríður Gunnlaugsdóttir dómsmálaráðherra segir að nýtt úrræði um brottvísun erlendra fanga hafi gefið góða raun. Um þrjátíu manns hafa þegar verið sendir úr landi eftir að hafa afplánað þriðjung dóms, sem hefur losað um dýrmæt pláss í fangelsum landsins. Ráðherrann leggur áherslu á að þetta sé mikilvægt skref til að ná betri stjórn á fangelsismálum og losa samfélagið við einstaklinga sem taldir eru hættulegir. Flestir þeirra sem hafa verið brottvísaðir eru svokölluð burðardýr í fíkniefnamálum sem eiga engin tengsl við Ísland.