Hákarl réðst á brimbrettakappa

Hákarl réðst á brimbrettakappa á sextugsaldri í sjónum nærri Glenfield-strönd í vestur Ástralíu í gær. Maðurinn var fluttur í skyndi á spítala eftir árásina. Hann er alvarlega slasaður en líðan hans er sögð stöðug. Yfirvöld hafa ráðlagt íbúum að halda sig frá sjónum. Sérfræðingar telja að fjölgun hákarlaárása megi rekja til fjölgunar fólks í sjónum og hækkandi sjávarhita.