Baldvin missir af heimsmeistaramótinu vegna meiðsla: „Skrýtin tvö ár“

Baldvin Þór Magnússon verður ekki meðal keppenda á heimsmeistaramótinu í götuhlaupum sem fram fer í Kaupmannahöfn síðar í september. Hann glímir við hásinameiðsli sem hafa hrjáð hann um nokkurt skeið, meðal annars þegar hann setti Íslandsmet á EM í sumar. Baldvin segist hafa þurft að vera skynsamur og hvíla til að ná sér 100% góðum fyrir framtíðina, en stóra markmiðið eru Ólympíuleikarnir í Los Angeles árið 2028. Hann er nú að byrja að skokka aftur og horfir bjartsýnn fram á veginn þrátt fyrir mótlætið.